PAGLISAN

Mahal parang kahapon lang magkasama pa tayong dalawa

Magkahawak kamay na gumagawa ng mga bagong alaala

'Pag ikaw ang kasama wala nang sasaya pa

Kasabay ng walang sawang pagbanggit ng 'mahal na mahal kita'

Mahal parang kanina lang nandito ka pa

Magkahawak pa 'yung kamay nating dalawa

Hindi ba sabi mo pa nga walang bibitaw?

Na kahit anong mangyari, sa'tin walang aayaw.

Pero isang araw nandito na lang ako

Natutulala habang nakatitig sa larawan mo

Ang hirap isipin na ito na lang yung makakasama ko

Ang hirap tanggapin na iniwan mo na pala ako

Mahal hindi ko lubos akalain

Na darating 'tong araw na 'di na kita kayang abutin

Wala akong magawa kundi umiyak at humiling

Na sana bumalik ka na lang sa'kin frown emoticon

Disoras ng gabi mahal alam mo magigising ako

Kasi nandun ka pa rin kahit sa panaginip ko

Alam kong wala ka na pero hahanapin pa rin kita sa tabi ko

Alam kong imposible na pero hihiling pa rin ako para sa isang yakap mo

Kasi alam mo mahal ang sakit sakit

'Di ko na alam kung paano ba hahatakin yung oras pabalik

Sabihin mo naman sa'kin ano pa bang gagawin

Lahat lahat ibibigay ko manatili ka lang sa'kin

'Di ko na kasi alam pa'no pa kakayaning mag isa

Alam mo namang ikaw lang ang kailangan ko wala ng iba

Ngayon pa'no pa ako sasaya?

Kung kalahati ng buhay ko nawala na..

Mahal, mahal na mahal kita

Ngayon mabubuhay na lang ako sa alaala nating dalawa

Nakakadurog ng puso sa tuwing mamimiss ka

Ngayon ano? Pa'no na nga ba ako nang wala ka?

Ikaw ang kasiyahan at kalungkutan ko

Ikaw ang dahilan ng mabilis na pagtibok ng puso ko

Ikaw ang nagbibigay saya araw araw

Yung malungkot na mundo binibigyan mong kulay

Ngayon manghinayang man sa pagkakataon na nawala

O sa mga bagay na di pa natin nagagawa

Alam kong wala na pero di ko matiis

Na kwestyuhin lahat kung bakit iniwan mo ko ng ganun kabilis.

Wala ka na pero alam kong di ako mapapagod humiling

Kahit oras oras para sa muli mong pagdating

Mangungulila ako araw araw

Magisang maglalakbay sa pangako nating magsasama habambuhay

Umiiyak akong nakatulog pero ganoon pa rin sa aking paggising

Nagulat ako nang mapagtantong may yumuyugyog sa akin

Naririnig kita na nagsasabing 'Gising, gising'

Napapikit ako at isang malamig na hangin ang yumakap sa'kin..

Sana nga panaginip na lang lahat

Na nandito ka lang pala sa aking pagmulat

Pero isa na naman pala iyon sa mga araw pang dadating

Paalala na kahit masakit dapat magpatuloy at kayanin dahil alam kong iyon rin ang gusto mo para sa akin.

Itong tula ang saksi mahal ko

Kasabay ng pagtulo ng mga luha ko

Wala ka man dito ang sakit ay kakayanin ko

Kung ito man ang tanda ng pagmamahal ko sa'yo.